Ұлы Жеңістің 80 жылдығына орай Талғат Нусупбаев атындағы негізгі мектебінің оқушылары “Ұлы Отан соғысындағы жерлестеріміз” тақырыбында жоба әзірлеу мақсатында Алматы қаласындағы Орталық музейге барып қайтты. Экскурсия барысында олар жерлестеріміздің соғыста көрсеткен ерлігімен танысты.
Музейде оқушылар Ұлы Отан соғысына арналған экспозициялар мен құнды жәдігерлерді тамашалап, кәсіби экскурсоводтардан қызықты мәліметтер тыңдады. Олар Қазақстанның тарихы, өнері және ғылымы туралы жаңа ақпарат алып, ерекше әсерге бөленді.