РАХМЕТ САҒАН ӘЛІППЕ!
Туған тілдің бастауы,
Әріптерден тараған.
Әліппеден ең алғаш,
Білім алған бар адам!
Әліппе — барлық білімнің бастауы. Талғат Нусупбаев атындағы мектебінде 1 “А”, 1 “Ә”, 1 “В”сыныптарында “Рахмет саған әліппе” тақырыбында іс-шара өткізілді.
Іс-шараның мақсаты — оқушыларды әліппе пәнін игеру барысында алған білімдерін тиянақтау, эстетикалық, талғамдарын тереңдету, өзін-өзі басқару мен ана тілін, туған жерін, Отанын сүйіп, қастерлеуге тәрбиелеу.
Мерекелік іс-шарада мектеп директоры К.У.Нусипбаева 1 “А”, 1 1 “Ә”, 1 “В” сынып оқушыларын Әліппені жақсы оқығандары үшін “Мақтау қағазымен” марапаттады.
“Рахмет саған әліппе” шарасында 1-сынып бүлдіршіндері ән шырқап, жаттаған тақпақтарын мәнерлеп оқыды.
Өнерлерін көрсетіп, әліппені жақсы меңгергендерін танытты.
Ата-аналар сынып жетекшілеріне балаларын білім нәрімен сусындатып, берген білімі мен тәрбиесі үшін алғыстарын білдірді.
Мерекелік шаралар
жоғары деңгейде ұйымдастырылып, өткізілді.
Білімге қаққан қанаттарын талмасын!